கூரை வீடு.

கூரை வீடு என்பது ஏழ்மையின் சின்னமாகவே பார்க்கப்படுகிறது.

முன்பு சென்னையில் வசித்தபோது சில மாதங்கள் கூரை வீட்டில் வசித்திருக்கிறேன்.

வீட்டின் வெளியே அக்னி நட்சத்திர வெயில் அடித்தாலும் உள்ளே வெப்பம் தெரியாது. வெளியே குளிர் அடித்தாலும் உள்ளே குளிர் தெரியாது. சமமான சீதோஷ்ண நிலை எப்போதுமே கூரை வீட்டில் இருக்கும். மின்விசிறிக்கு அவசியமே இருந்தது இல்லை.(கொசு பிரச்சனை தவிர).

அதற்காக உங்களை கூரை வீட்டில் வசியுங்கள் என்று சொல்லவில்லை. உங்கள் வீட்டில் மொட்டை மாடி இருந்தாலோ, அல்லது வீட்டை சுற்றி இடம் இருந்தாலோ, கூரை போட்டு இருந்து பாருங்கள். உடல் எப்போதுமே புத்துணர்ச்சியோடு இருக்கும். கூரை வீடு என்பது இயற்கையை அனுபவிக்கும் முறை.

beach resorts என்ற பெயரில் பலர் கூரை வீடுகளை வைத்து தான் லட்ச லட்சமாக சம்பாதிப்பதாக சொல்கிறார்கள்.