அழகு சாதன பொருட்கள்.

அழகு சாதன பொருட்கள் பயன்படுத்தினால் சிகப்பாகி விடலாம் என்று விளம்பரம் செய்கிறார்கள் பலரும். (சிகப்பு மட்டுமே அழகா?)

அப்படி என்றால் ஆப்பிரிக்க கருப்பு இனத்தவர்களை எல்லாம் இந்த அழகு சாதன பொருட்களை கொடுத்து சிகப்பு இனத்தவர்களாக்கி விடலாமே.

என்னை பொருத்தவரை சிகப்பான பெண்கள் மட்டுமே அழகு என்று நினைப்பவன் அல்ல நான். கருப்பான பெண்களும் அழகு என்று நம்புபவன் நான். கருப்பான பெண்களின் அழகையும் ரசிப்பவன் நான்.

கருப்பான பெண்களும் அழகானவர்கள் தான், சிகப்பான பெண்களை விட என்பது என் கருத்து.

ஆனால், தான் அழகாக தான் இருக்கிறோம் என்ற தன்னம்பிக்கை  பல இந்திய பெண்களிடம் இல்லை. இதனால் இவர்களின் தன்னம்பிக்கை குறைவை பயன்படுத்தி பல அழகு சாதன நிறுவனங்கள் கோடி கோடியாக சம்பாதிக்கின்றன.

அப்படியே தான் அழகாகத்தான் இருக்கிறோம் என்ற தன்னம்பிக்கை இருந்தாலும் அதை அழிக்கும் நோக்கத்தில் பல வித சூழ்ச்சிகளை இந்த நிறுவனங்கள் கையாள்கின்றன. dull skin, rough skin, oily skin, dark skin மற்றும் பல வார்த்தை ஜாலங்களை பயன்படுத்துகின்றன.

உலக அழகி பட்டங்கள் கொடுக்கப்படுவதும், அந்தந்த நாடுகளில் தங்கள் அழகு சாதன பொருட்களை சந்தைபடுத்தி, விற்பனை செய்து கோடி கோடியாய் சம்பாதிக்க தான் என்பது என் கருத்து.

ஐஸ்வர்யா ராய் மட்டுமே அழகா????????

இல்லை.

என்னை சுற்றி இருக்கும் எல்லா பெண்களுமே அழகுதான்.